疫情之下，人與人之間的距離難免拉遠咗…呢個星期日（2月20日）係世界鯨魚日，不如就趁呢個機會了解鯨魚點樣於「社交距離」下保持聯絡啦！

1. 唱「鯨歌」

由於聲音喺水底傳播的速度比喺陸地上快得多，雄性座頭鯨會利用呢項物理優勢，靠唱「鯨歌」和遠處的同類溝通，歌聲更可以傳播至30公里外遠！

2. 大遷徙

除此之外，座頭鯨更加對「去旅行」十分堅持。雖然佢哋喺極地地區覓食，但每年一到夏季，佢哋就會展開長逹25,000公里的大長征到熱帶地區繁殖，期間更不吃不喝，毅力令人敬佩！ 雖然係咁，但在1966年前，座頭鯨的數目曾因捕鯨活動大跌九成。在捕鯨活動受管制後，座頭鯨在大部分地方的數目均有回升，但仍然受捕魚活動影響，例如水底噪音、被漁網纏繞等等的威脅。所以，愛海洋的大家要多啲關心鯨魚喇！