要煮一餐好餸，識煮海鮮同識揀海鮮一樣咁重要！ 為咗大家既口福著想，識揀海鮮特意請來KIN Food Halls的行政總廚Marc Briol同大家分享揀蝦同煮蝦心得。

1. 揀新鮮蝦時，緊記要留意蝦隻整體是否活潑。如果蝦腳仍然活躍，就代表蝦隻十分新鮮！
2. 揀靚急涷蝦，就要留意解涷後蝦身是否有光澤，並有否產生小氣泡。
3. 如果蝦隻背部有黑色的蝦腸，記得要用針挑走，以免蝦腸內的排泄物影響味道。
4. 蝦頭蝦殼留返起來煲湯或者煮汁效果均相當鮮甜，用得唔好嘥！

P.S. 為環境著想，大家可以選擇具認證的環保蝦。市面上常見的MSC認證能夠保證產品為野生蝦，而ASC認證則能保證產品為養殖蝦。MSC及ASC認證均清楚列明產品來源地，保證海鮮產品的捕撈或養殖過程符合環保原則，屬於「環保海鮮」，等你買得開心，食得放心！