紅衫魚或變成「貴價魚」?| 識揀海鮮 Choose Right Today

「蕃茄煎封紅衫魚」呢味經典港式家常小菜,應該幾乎每個香港人都食過。不過唔知大家有冇發現,街市嘅紅衫魚越來越貴?

原來紅衫魚嘅數量喺過去十年間已經大跌三成,更已被世界自然保護聯盟(IUCN)列為「易危」品種,並喺WWF-HK嘅《海鮮選擇指引》入面屬於紅色「避免」級別。隨住供應減少,冰鮮紅衫魚嘅批發價就大幅上升,令大家要「捱貴魚」。

紅衫魚以往嘅數目十分多,但因缺乏管理以及過量使用不當嘅捕魚方法(如底拖網、底層延繩釣等),令紅衫魚變成「易危」品種。 除咗紅衫魚之外,唔少香港人熟悉嘅品種,例如西星斑、老虎斑已經變成「易危」品種 —如果情況唔改變,佢哋將來就有機會變成瀕危品種,離絕種再近一步。

如果將來仲想有機會食到紅衫魚同其他魚種,我哋現在就要改變習慣,停止進食受威脅物種。WWF-HK嘅《海鮮選擇指引》詳細列出咗應該避免嘅品種,以及建議食用嘅環保海鮮選擇。

選擇環保海鮮

環保海鮮標籤指南

網店指南

餐廳指南

街市魚指南

業界資訊